Në kërkim të diamanteve

    Foto: Siphiwe Sibeko (Reuters)

    Më shumë se 1.000 persona janë mbledhur të hënën në një fshat të Afrikës së Jugut, për të kërkuar ato që ata besojnë se janë diamante, pas zbulimit të gurëve të paidentifikueshëm atje.

    Banorët e një fshati të quajtur Kuahlathi, në provincën Kuazulu-Natal të Afrikës së Jugut, kanë gjetur disa gurë të paidentifikueshëm në një fushë, që i kanë shtyrë të besojnë se vlejnë shumë dhe se do t’i pasurojnë.

    Njerëz nga e mbarë Afrika e Jugut kanë udhëtuar për t’iu bashkuar fshatarëve që kanë qenë duke gërmuar që nga e shtuna, pasi një bari – i cili në një fushë të hapur nxori gurin e parë, që disa besojnë se ishte kristal kuarci – përhapi fjalët.

    Zbulimi i gurëve do ta ndryshojë jetën e fshatarëve, ka thënë Mendo Sabelo, njëri nga gërmuesit, teksa në dorë mbante disa gurë të vegjël.

    “Kjo do të thotë se jetët tona do të ndryshojnë, sepse asnjëri s’ka punë të mirëfilltë, unë bëj punë të rastit. Kur jam kthyer në shtëpi me gurët, familja është gëzuar shumë”, ka thënë 27-vjeçari, baba i dy fëmijëve. /REL/

    Lajmi Paraprak

    Akullore shtëpie me kakao

    Lajmi i rradhës

    Formacionet e mundshme të ndeshjes Turqi – Uells

    Lajme tjera

    Bashkohu

    Informohu në kohë