Në vigjilje të festës së Kurban Bajramit, Sektori për Punë të Brendshme – Shkup i informoi qytetarët se Sektori për parandalim këtyre ditëve do të realizojë më shumë takime pune me sektorin qytetar, në të cilat do të shprehet nevoja e respektimit të rregullativës ligjore dhe nënligjore për shitjen dhe therjen e kafshëve me rastin e festës, përfshirë edhe masat për mbrojtje nga përhapja e COVID-19.
“Sektori për Punë të Brendshme Shkup thotë se sivjet me rastin e festës, shitja e gjedheve, për të cilën duhet të posedohet dokumentacion përkatës, do të bëhet vetëm në Tregun e gjedheve në fshatin Trubarevë, ndërsa shitja në lokacione të tjera si edhe therja e kafshëve në sipërfaqe publike, ndalohen dhe do të sanksionohen”, kumtuan sot nga MPB.
Nga Sektori për parandalim në kuadër të Sektorit të Punëve të Brendshme Shkup në cilësinë e Agjencisë për Ushqim dhe Veterinari në komunat Gazi Babë, Çair, Shuto Orizare dhe Gjorçe Petrov do të shpërndahen fletushka për qytetarët me qëllim të informimit dhe edukimit të tyre.