Komuna e Butelit gjatë ditës organizoi manifestim për shpërblimin e nxënësve më të mirë të shkollave të kësaj komune. Në këtë aktivitet u anashkaluan në tërësi mësimdhënësit dhe nxënësit shqiptarë.
Nuk kishte qoftë edhe një fjalë, një këngë, poezi apo mirënjohje në gjuhën shqipe apo për ndonjë nxënës shqiptarë. Në këtë manifestim për mbylljen e vitit shkollor, nuk munguan as flamujt partiak, përkatësisht ai i VMRO-DPMNE-së, kuadër i së cilës parti është edhe kreu i komunës së Butelit Darko Kostovski.
Prindërit shqiptarë, të revoltuar kanë kërkuar sqarime nga Kostovski, por ai sipas tyre ka thënë se manifestimi ishte në nivelin e duhur dhe nuk mungonte asgjë. /Alsat/