Ish gjykatësja në Gjykatën për të Drejtat e Njeriut në Strasburg, Mirjana Llazarova-Trajkovska, në “360 Gradë” në Alsat sqaroi se pse vendimi për lëndët për faljet e ish-presidentit Gjorge Ivanov, që u dërguan për shqyrtim në vitin 2017, u publikua gjatë ditës së djeshme, përcjell Nistori.
“Kjo lëndë, edhe kur ka arritur, për shkak të kompleksivitetit dhe rëndësisë, ka ngritur senzibilitetin lidhur me qasjen, dhe Gjykata e ka vendosur tek lëndët të cilat përpunohen në Këshill nga 7 gjykatës. Për këtë është dashur një periudhë me e gjatë kohore që të merret një shqyrtim”, tha Llazarova-Trajkovska.
Llazareva-Trajkovska: Dyert në Strasburg nuk janë mbyllur
Dyert në Strasburg lidhur me vendimin ndaj lëndës për faljet e ish-kreut të shtetit, Gjorge Ivanov, nuk janë mbyllur, por është lënë hapësirë që të shteren të gjitha mjetet e veçanta juridike, kështu u shpreh Mirjana Llazarova-Trajkovska.
“Nuk janë mbyllur dyert në Strasburg, por është lënë hapësirë që të shteren të gjitha mjetet e veçanta juridike”, shtoi Llazarova-Trajkovska. /Nistori/
