Qeveria e Republikës së Maqedonisë së Veriut është duke u përgatitur për shkurtime buxhetore prej 10 për qind.
Burime të sigurta të Nistorit konfirmojnë se tashmë Ministria e Financave u ka kërkuar institucioneve publike që të shqyrtojnë kërkesën e saj për shkurtime buxhetore.
Institucioneve u është kërkuar që ta shqyrtojnë kërkesën dhe ta arsyetojnë gjendjen financiare dhe ndikimin që mund të ketë në punën e mëtutjeshme të institucionit përkatës.
Ideja është që institucioneve të cilat kanë harxhuar më pak para të planifikuara t’u shkurtohen më tepër para.
Paraprakisht Ministria e Financave u ka kërkuar institucioneve që të raportojnë për shpenzimet e mbetura pa u realizuar.
Një hap të këtillë Qeveria e ndërmori edhe vitin e kaluar si rezultat i ndikimit të pandemisë Covid-19 në ekonominë e vendit, por me projektbuxhetin e ri për vitin 2021, një pjesë të parave të tërhequra u rikthyen te institucionet publike. /Nistori/
