Javën e ardhshme, Qeveria do të emërojë administratorë qeveritarë në komunat ku kryetarët e bashkive nuk u zgjodhën për shkak të mungesës së censusit, dhe do të ketë përpjekje të re për ta bërë këtë në gjysmën e dytë të dhjetorit.
Deri atëherë, siç tregoi sot kryeministri Hristijan Mickoski, ky funksion do të kryhet nga persona që do të emërohen në marrëveshje me partnerët e koalicionit qeveritar, pasi KShZ-ja të ketë informuar paraprakisht se procesi zgjedhor ka përfunduar.
Pasi KShZ-ja të informojë Qeverinë, ajo duhet të informojë Kuvendin se procesi zgjedhor ka përfunduar në mënyrë që zgjedhjet e reja të mund të mbahen në 4 komunat – Gostivar, Vrapçisht, Qendër Zhupë dhe Mavrovë Rostushë brenda 60 ditëve.
Ndryshe, sot Komisioni Parlamentar për Procedurat dhe Çështjet e Mandatit dhe Imunitetit konstatoi edhe mandatet e tre deputetëve të rinj Aleksandra Nikolovska, Martin Stojanovski dhe Mito Andonov.
