Ministri i Shëndetësisë, Bekim Sali nëpërmjet një postimi në Facebook ka bërë të ditur se 500 mjekë nga Maqedonia e Veriut janë paraqitur vullnetarisht për të shkuar në ndihmë të të prekurve nga tërmeti në Turqi, por ambasada turke në Shkup është përgjigjur se nuk është e nevojshme të shkohet në terren, përcjell Nistori.
“Gatishmëria dhe përkushtimi juaj për të ndihmuar ata që kanë nevojë gjatë kësaj kohe sfiduese është i paçmuar. Ne morëm informacion nga Ambasada e Republikës së Turqisë në Maqedoninë e Veriut që nuk ka nevojë të shkojmë në terren, por gjithashtu shprehën falënderime dhe mirënjohje për angazhimin dhe mbështetjen tuaj në këtë kohë të vështirë.” – shkruan Sali.
Ministri Sali falënderon të gjithë 500 mjekët që kanë ofruar gatishmërinë të shërbejnë në zonat e tërmetit. /Nistori/
