Shfuqizohen faturat e ngrohjes qendrore për muajin gusht. Kryetari i Komisionit Rregullator i Energjetikës Marko Bislimovski, njoftoi se faturat e kompanisë BEG për ngrohjen qendrore janë stopuar, ndërsa qytetarët do të marrin fatura të reja të korrigjuara për muajin e kaluar.
Bislimovski tha se ata që kanë paguar faturat e gushtit, dallimi do t’u minusohet në faturat e radhës. Qytetarët në fund të gushtit morën fatura më të larta për 40 për qind nga BEG.
Arsyetimi i Komisionit Rregullator të Energjetikës ishte se në faturat e gushtit BEG nuk kishte llogaritur subvencionin e Qeverisë për shfrytëzuesit e ngrohjes qendrore në qytetin e Shkupit.