“Në maj të vitit 2014 u dogj salla e sportit në shkollën fillore ‘Drita” të fshatit Rashçe. Tashmë 9 vjet, pikërisht në këtë vend ku dikur ishte sallë sporti nuk është bërë asgjë, asnjë investim për rikonstruimin e sallës ose ndoshta rrënimin e mureve të vjetra dhe ndërtimin e një objekti të ri sportiv”.
Kur moti është i mirë, nxënësit e shkollës në orët e edukatës fizike i realizojë në një pjesë të vogël të oborrit të shkollës ndërsa gjatë dimrit ata bëjnë aktivitete sportive brenda klasës.
“Ndonjëherë luajmë këtu, kur është verë kur është kohë e mirë, orët e tjera ii zhvillojmë në klasë. Lujmë pikado ose diçka që i përshtatet klasës”, tha një nxënës.
“Marrim mësime se si duhet të luajmë, na ushtron mësuesja në klasë me top. Në sallë sporti më mirë është. Ne, prej se kemi nis klasën e parë nuk kemi sallë. Tashmë cila klasë je? E shtata. Topa kemi po edhe ato nuk i ka shkolla, i blejmë ne. I mbledhim paratë e gjithë klasa dhe blejmë topa”, u shpreh një nxënës.
Gjithashtu, nxënësit ankohen edhe për mungesë të pajisjeve sportive dhe mos pastrim të mbeturinave në hapësirat e djegura të sallës së edukatës fizike.
“Unë e pëlqej sportin, më pëlqen volejbolli, basketbolli, këto loja, më pëlqejnë shumë edhe dua ti luaj. Me këto kushte mundohemi me lujt. Kushtet nuk na e mundësojnë edhe aq, topat po I blejmë vet. Ne kërkojmë që ta rregullojnë pak, ta ndërtojnë ama jo, nuk e bëjnë”, deklaroi një nxënëse.
“Kisha apelu me ndërtu sallën sa më shpejt. Ne nxënësit shumë e duam sportin volejbollin dhe basketbolin por nuk kemi ku me lujt”, citoi një nxënëse.
Nga sektori për Arsim i Komunës së Sarajit thanë se salla e edukatës fizike në shkollën fillore “Drita” do të ndërtohet kur Ministria e Arsimit dhe Shkencës të siguroj mjetet e nevojshme për këtë investim. Pavarësisht pyetjeve, nga komuna nuk dhanë përgjigje kur dhe sa kërkesa janë dorëzuar në këtë dikaster. Për momentin, në shkollën fillore “Drita” të fshatit Rashçe të Komunës së Sarajit mësojnë 420 nxënës nga klasa e parë deri atë të nëntë. /Alsat/
