Detaje të reja kanë dalë nga ngjarja tronditëse në kryeqytet ku një foshnje e porsalindur e braktisur në parkingun nëntokësor të një pallati në zonën e Yzberishtit.
Mësohet se ka qenë një banor i zonës që ka dëgjuar të qarat e bebit dhe ka njoftuar policinë.
Foshnja u gjet e mbështjelle me një batanije e lënë në tokë, ndërsa nuk dihet ende se kush është nëna e të porsalindurit apo kush e ka braktisur.
Ndërkohë janë sekuestruar edhe kamerat e sigurisë në zonën përreth për të zbuluar më shumë detaje se kush e brakisi foshnjën.
Fëmija u gjet paraditen e sotme (8 nëntor) në parkingun nëntokësor të pallatit dhe është dërguar në spital.
“Më datë 08.11.2023, në bodrumin e një pallati në Yzberisht, është gjetur e braktisur një foshnjë e sapolindur.
Shërbimet e Policisë i kanë ofruar menjëherë ndihmën e parë foshnjës, e cila është transportuar me automjetin e Policisë, së bashku me stafin mjekësor, në spital”, thote policia. /Panorama/
