Punëtorët janë mbledhur para godinës së Lidhjes së Sindikatave. Me parulla dhe flamuj në duar, dolën në rrugë për t’u thënë politikanëve se nuk do të heshtin më. Në rrugët e zbrazëta lëvizte i pari automjeti me altoparlant, nga i cili dëgjoheshin këngë revolucionare që kërkonin të drejta dhe liri.
Para Kuvendit punëtorët i kanë pritur deputetët me një “UA” të ashpër për, siç thonë ata, qëndrimin injorues.
Sindikatat i kanë porositur deputetët që nesër t’i votojnë ndryshimet në Ligjin e punës.
“Të revoltuar sot para Kuvendit dhe deputetëve duam t’u themi qartë se jemi këtu dhe jemi më shumë se 61 dhe se për herë të dytë nuk mund të luajnë, për zgjidhjen ligjore të dielën jo ditë pune. 92% e punëtorëve duhej të pushonin sot dhe tetë% të tjerë duhej të merrnin të paktën 50% rritje të mëditjes”, tha Darko Dimovski- Kryetar i LSM-së.
Kërkesat i kanë dorëzuar deri tek deputetët e shumicës së re parlamentare. Nëse nuk i plotësojnë ato, protestat do të radikalizohen.
Nga ndërtesa e sindikatave në rrugët kryesore punëtorët kanë nisur drejt Kuvendit ku duhet të takohen me disa prej deputetëve për të plotësuar kërkesat e tyre, por më pas u drejtuan drejt Odës Ekonomike dhe Organizatës së Punëdhënësve, për të treguar afaristëve se është e nevojshme të përmirësohen të drejtat e tyre të punës”.
Qytetarët që protestojnë thonë se sot është e vështirë të jesh punëtor pa të drejta dhe punë vërtet të vlerësuar.
“Mendoj se po keqpërdoren të drejtat e punëtorëve, sidomos të grave, puna jashtë orarit që nuk paguhet siç duhet” tha një qytetarë
“Sot jemi mbledhur për rrogën, për të dielën si ditë jo pune. Punëtori kontribuon shumë në shoqëri dhe si i tillë duhet vlerësuar”, qytetarë
“Deri vitin e kaluar kam qenë punëtor, tani jam në pension. Është shumë e vështirë për punonjësin në sektorin privat, nuk ka orë pune, nuk ka rroga. Kam punuar 20 vjet në kompani private. I siguruar me 20 mijë denarë, paratë e tjera në dorë. Kur dola në pension, asgjë”, tha qytetari
Punëtorëve në protestë në mbështetje u dolën edhe studentë, pensionistë, qytetarë të pakënaqur dhe aktivistë të drejtësisë sociale. Përveç e diela ditë jopune, sindikatat kërkojnë rritje të menjëhershme të pagës minimale në 18 mijë denarë dhe zgjidhje të tjera ligjore për përmirësimin e kushteve të punës së punëtorëve dhe përmirësimin e standardit të tyre./Alsat/
