Sot përmes një shkrimi në Facebook, ushtruesi i detyrës së drejtorit të N.P “Parkingu i Qytetit”, në kuadër të Qytetit të Shkupit, Bojan Hristovski, ka dhënë dorëheqje.
Ai ka thënë se dorëheqjen e ka dorëzuar për arsye të mungesës së bashkëpunimit dhe transparencës me kryetaren e Qytetit të Shkupit, Danela Arsovska.
Përveç dorëheqjes së drejtorit të “Parkingu i Qytetit”, në kuadër të Qytetit të Shkupit, Bojan Hristovski, sot dorëheqje nga posti ka dhënë edhe drejtori i deponisë “Drisla”, Jane Micevski.
Dorëheqja e këtyre dyve, vjen vetëm një ditë pasi kryetarja e Shkupit Danela Arsovska shkarkoi dy zyrtarë të tjerë, drejtorin e ndërmarrjes publike të Shkupit “Ujësjellësi dhe Kanalizimeve” Zlatko Perinski dhe sekretarin e përgjithshëm të Qytetit të Shkupit, Gjoko Velkovski. /Alsat/