Zëdhënësi i VMRO-DPMNE-së, Naum Stoilkovski u shpreh se nuk mund të presë diçka mirë për shkak se mandatari që e zëvendësoi Zaevin lavdëronte atë.
“Maqedonia tani ka mandatar që i mbronte politikat e Zaevit dhe ekipit të tij. Kovaçevski si mandatar vjen nga pozita e zëvendësministrit të Financave dhe është njëri që në mënyrë të drejtpërdrejtë ndikoi negativisht në ekonominë e Maqedonisë”, tha Stoilkovski.
Ai po ashtu theksoi se LSDM-ja është e paaftë edhe në gazifikim dhe për 4-5 vite është lënë kjo punë, ndërsa për VMRO-DPMNE-në, siç thotë ai, gazifikimi është prioritet.
“Sa i përket investimeve kapitale do të fol për një nga strategjitë e VMRO-DPMNE-së për gazifikimin, diçka që për 4-5 vite u la anash”, tha Stoilkovski.
