Të gjithë ata që ia zgjatën jetën këtij regjimi, sot u pa se kanë kontribuar që të arrihet deri te falja e kriminelëve

    Regjimi Ahmeti-Mijallkov-Zaev vazhdon me faljen e kriminelëve, duke ju përgjigjur në formën më arrogante të mundshme qytetarëve që kundërshtojnë krimet e tyre, kështu është shprehur Aleanca për Shqiptarët në reagimin e sotëm, njofton Nistori.

    “Vetëm dy ditë pasi nuk i lejuam që të falin Sead Koçanin, Aleksandër Vasilevski Ninxhan dhe Boban Iliçin, Ministria e (Pa)drejtësisë tërhoqi listën e plotë duke mos lejuar që të falen as të burgosur të tjerë që janë me vepra më të lehta e madje edhe pafajsisht në burgje. Nga ana tjetër, me vendim të Gjykatës së kapur penale, sot u la i lirë Sasho Mijallkov, partneri kryesor i regjimit aktual dhe njeriu që shkatërronte fate njerëzish dhe buxhetin e shtetit. Ky rast edhe njëherë demaskoi agjendën mashtruese eurointegruese të këtij regjimi dhe legjitimoi vlerësimet tona se ky regjim duhet të bjerë një ditë e më parë.” – deklaron ASh.

    Nga kjo parti shtojnë se të gjithë ata që ia zgjatën jetën këtij regjimi, sot u pa se kanë kontribuar që të arrihet deri te falja e kriminelëve. /Nistori/

    Lajmi Paraprak

    Pronarët e kompanive të ndërtimit kërkojnë nga Qeveria që të punojnë të dielave

    Lajmi i rradhës

    SHTRENJTIME DRASTIKE: Shportat bosh të fundvitit, çmimet në stratosferë

    Lajme tjera

    Bashkohu

    Informohu në kohë