Kryetari i PDSH-së Menduh Thaçi, e ka realizuar të drejtën e votës për zgjedhjet presidenciale.
Pasi votoi, në një paraqitje para gazetarëve Thaçi tha se pret që zgjedhjet të jenë të rregullta dhe demokratike.
“Kam besim se këto zgjedhje do të jenë të qeta dhe demokratike. Besoj se do ta plotësojmë edhe një kusht për integrimin në BE dhe shoqërinë e përparuar. Shpresoj në rezultat shumë të mirë të formacionit politik, mendoj se është mirë të gjithë investojmë që sa më shumë të ketë dalje në këto zgjedhje”, tha Thaçi.
I pyetur nëse ka informacione për parregullsi, Thaçi shkurt u përgjigj: “jo nuk kam informacione të tilla”.
