Tito është ende ‘anëtar nderi’ i Akademisë së Shkencave dhe ‘honoris causa’ në Universitetin e Prishtinës

    Profesori universitar Milazim Krasniqi është shprehur se krimet e komunizmit duhet të ndëshkohen dhe më tutje ka treguar se Josip Broz Tito është ende anëtar nderi i Akademisë së Shkencave të Kosovës dhe dr honoris causa i Universitetit të Prishtinës.

    “Bota ka një dëm të tmerrshëm moral se nuk janë dënuar krimet e komunizmit dhe besoj se shoqëria jonë, Shqipëria por edhe tek ne, do të duhej të hapej debat parlamentar dhe gjithashtu proces gjyqësor për trajtimin e krimeve të komunizmit. Gjithashtu duhet të hapen dosjet e spiunëve sepse shumë njerëz kanë qenë viktima të spiunazhit dhe kjo duhet të bëhet që shoqëria të rehabilitohet.”, tha Krasniqi.

    Ai më tutje është shprehur se duhet të hapen dokumentet dhe të rehabilitohet shoqëria duke dënuar krimet e komunizmit.

    “Sepse deri sot kemi një situatë absurde, kemi me mijëra familje që kanë qenë viktima të komunizmit, që edhe sot i vuajnë ato. Por, kriminelët, por edhe pjestarët e familjeve të tyre, në shumë aspekte hala janë në pozita dominante në shoqëri. Ky është problem që nuk është vetëm historik, është fjala për njerëzit, për pasojat, që ne i vuajmë.”, tha Krasniqi.

    Në fund i pyetur nga gazetari, ai në emisionin Voyage të RTK-së tha se Tito është anëtar nderi i ASHK-së dhe dr honoris causa i Universitetit të Prishtinës.

    “Tito është anëtar nderi i Akademisë së Shkencave të Kosovës, dhe doktor honoris causa i Universitetit të Prishtinës. Për mendimin tim duhej t’i mirren të dy titujt, minimum derisa të sqarohet, duhet të jetë i suspenduar nderimi që iu është bërë”, tha Krasniqi.

    Lajmi Paraprak

    Paga minimale do të rritet dhe e diela ditë jo pune për qytetarët e Maqedonisë së Veriut

    Lajmi i rradhës

    Putin: Shpërbërja e Rusisë do të ishte shumë më e përgjakshme sesa në ish-Jugosllavi

    Lajme tjera

    Bashkohu

    Informohu në kohë