Në Gjykatën Themelore Penale – Shkup sot u shpall aktgjykimi për rastin “Toplik”, në të cilin i akuzuari i parë ish-ministri i Transportit dhe Lidhjeve, Mile Janakieski u shpall fajtor dhe u dënua me 3 vjet e gjashtë muaj.
Për rastin në fjalë akuzohen edhe pesë persona të tjerë nga Ministria e Transportit dhe Lidhjeve, të cilët ishin anëtarë të Komisionit për Tender Publik, edhe ata akuzohen për keqpërdorim të pozitës zyrtare.
Tome Gjurçilov dënohet me 3 vjet burg.
Dimitar Dimovski dënohet me 2 vjet burg me kusht, në rast se në 5 vitet e ardhshme nuk e përsërit veprën.
Marica Taseva, dënohet me masë alternative, 2 vjet burg me kusht, në rast se në 5 vitet e ardhshme nuk e përsërit veprën.
Dimitar Gagjevit i shqiptohet masë alternative, 2 vjet burg me kusht në rast se në 5 vitet e ardhshme nuk përsërit veprën.
Vesna Tomçevska gjithashtu dënohet me 2 vjet burg me kusht, në rast se në 5 vitet e ardhshme nuk e përsërit veprën.
