Qeveria në mbledhjen e sotme të rregullt – të 120-të, që filloi me heshtje njëminutëshe në shenjë respekti për viktimat nga fatkeqësia tragjike e autobusit në Bullgari dhe në shenjë ngushëllimi për familjet e tyre, solli vendim që shpallen tri ditë zie në tërë territorin e vendit, përcjell Nistori.
Poashtu edhe Këshilli i Ministrave të Bullgarisë vendosi që 24 nëntor i vitit 2021 të shpallet ditë zie kombëtare.
“Qeveria shpreh ngushëllimet e saj për të afërmit e viktimave. Në kujtim të tyre, flamujt shtetërorë të të gjitha institucioneve shtetërore do të ulen në gjysmë shtizë”, kumtoi shërbimi për shtyp i Qeverisë bullgare.
Ndryshe, të paktën 46 persona vdiqën në autobusin që u kaplua nga zjarri në autostradën “Struma”. Në mesin e viktimave ka edhe fëmijë. /Nistori/
