Disa gastronomë të Ohrit kanë filluar të ulin çmimet e shërbimeve, nga frika se mund të vënë çelës në derë në dimër, për shkak të uljes së intensitetit të punës.
Ka presion shtesë nga publiku, i cili ka dëshmuar çmime jashtëzakonisht të larta verës në Ohër. Diku, ulja është me 1/3 në të gjithë menunë.
Në këtë pjesë të vitit, rreth 70% e klientëve janë vendor, thotë Igor Celeski, menaxher restoranti.
“… Ne kemi ulur çmimet në mënyrë që të gjithë të vijnë dhe të provojnë atë që ofron restoranti. Është e nevojshme të ulen çmimet jashtë sezonit. Shumë nga restorantet e kanë bërë këtë hap, diku më shumë, diku më pak”, tha Igor Celeski- Menaxher i restorantit.
Ohri përjetoi verën më të shtrenjtë ndonjëherë. Çmimet e shërbimeve të ushqimit në restorantet lokale dhe kafeteritë, në ato që ndodhen pranë vetë liqenit arritën maksimumin.
“Unë mund të pajtohem me të gjithë se çmimet ishin më të larta, por gjithkush duhet të ketë parasysh pse kjo është ashtu. Ndoshta vetëm Ohri dhe Shkupi kanë privilegjin të paguajnë qira dhe punonjës shumë më lartë. Nuk janë pagat e njëjta për të punësuarit në qytetet tjera, si në Ohër dhe Shkup…”, u shpreh Igor Celeski- Menaxher i restorantit.
Çmimet e verës dhe dimrit duhet të merren në konsideratë në Ohër dhe Strugë, do të thotë gastronomët duhet të fillojnë të kujdesen për klientët lokalë, thonë punonjësit turistikë. Sipas tyre për shkak të çmimeve të larta njerëzit ndjehen si turistë në qytetin e tyre gjatë gjithë vitit.
“Nëse pas sezonit çmimet e shërbimeve të restoranteve ulen, ai sezon bosh, sidomos nga nëntori deri në shkurt, do të mbushet me mysafirë vendas dhe askush nuk do të humbasë…”, tha Vlado Sukloski-punëtor turistik.
Edhe pirja e kafesë në Ohër u bë luks. Për këtë kënaqësi me pamjen e liqenit, turistët duhet të paguanin 150 denarë në verë, dhe për një top akullore deri në 120 denarë.
Çmime të tilla ende mbajnë disa nga objektet, edhe pse janë bosh. /Alsat/
