Kthimi i retorikës nacionaliste nga fqinjët tanë në thelb do të na çojë në ridefinimin e pozicionit tonë kombëtar në mbështetje të procesit të zgjerimit të BE-së, tha ministri alternativ i Punëve të Jashtme të Greqisë, Militiadis Varvitsiotis, përcjell MIA nga Athina.
Gjatë seancës së përbashkët të Komisioneve për Çështjet Evropiane dhe të Jashtme në Parlamentin grek, në të cilën ministrja e Punëve të Jashtme të Sllovenisë Ange Logar foli për prioritetet e Presidencës sllovene të BE-së, Varvitsiotis në fjalimin e tij shprehu shqetësimin për zhvillimet në vendin tonë, duke nënvizuar se zbatimi i duhur i Marrëveshjes së Prespës është një nga parakushtet e kornizës negociuese.
“Më duhet ta pranoj këtë: Ne jemi shumë të shqetësuar për ngjarjet në Maqedoninë e Veriut. Kthimi i një retorike nacionaliste nga fqinjët tanë do të na çojë në thelb të ridefionojmë pozicionin tonë kombëtar në mbështetje të procesit të zgjerimit. Sepse një nga parakushtet e forta të vendosura në kornizën e negociatave është zbatimi konsekuent dhe korrekt i të gjitha dispozitave të Marrëveshjes së Prespës. Dhe është e nevojshme që ky mesazh, sot, të dërgohet nga të gjithë ne për fqinjët tanë që janë në një stuhi politike, tha Varvitsiotis.
