Media bullgare ka raportuar mbrëmë vonë se është zbuluar misteri pse ka mospërputhje në listën e të lënduarve në aksidentin në “Pirogov” dhe listën e udhëtarëve të kompanisë turistike “Besa Trans”.
Shadi Saleh, emri i të cilit përmendej si udhëtar në mesin e të mbijetuarve, është paraqitur në redaksinë e BNT, përcjell Nistori. Ai shpjegoi se ai nuk kishte asnjë lidhje me aksidentin.
Saleh është shtetas bullgar, por të shtunën u shtrua në repartin e traumës së Pirogov për shkak të krahut të thyer. Kjo rezulton se në klinikë ai është futur gabimisht në listën e të lënduarve nga autostrada e Strumës. Saleh tashmë ka dalë nga spitali.
Konfuzioni mbi emrin e Shadi al-Saleh në listë ka hapur shumë mundësi për spekulime se kush ishte “udhëtari i tetë” misterioz që i mbijetoi aksidentit. Djali i njërit prej shoferëve të autobusit tha se e ka parë emrin e Al-Saleh të shkruar pranë emrave të të mbijetuarve të tjerë. /Nistori/