Zejdi i kërkon Gashit ta kthejë mandatin

    Deputeti i pavarur, Skënder Rexhepi-Zejdi, sot përmes një shkrimi në Facebook, i ka kërkuar disa llogari të parit të Alternativës, Afrim Gashi.

    Ai përveç të tjerash, i ka kërkuar Gashit, që ta kthejë mandatit e deputetit, duke thënë se mos e vajtoni mandatin e deputetit sepse ofendoni të gjithë ata votues dhe përkrahës politik.

    Reagimi i plotë: Të dashur aktivistë dhe pjestar të strukturave partiake…Kam heshtur që nga data 05 prill 2021 (dita kur në mungesën time u bënë “reformat” partiake);Kam heshtur që t’i jap mundësi “reformuesit” që me këto reforma ta rrisë partinë, por ndodhi e kundërta fuqia strukturore e partisë u tkurr;Kam heshtur që, nga ju të dëgjoj zërin kritik ndaj “reformave” që dëmtuan partinë si dhe ndaj qasjes së privatizimit të partisë nga ana e “liderit” dhe klanit të tij.Prandaj, sot mos e vajtoni mandatin e deputetit sepse ofendoni të gjithë ata votues dhe përkrahës politik.Në vend që të vajtoni mandatin e deputetin, sëbashku të vajtojmë thyerjen e shpresës së mijëra të rinjve, shpresës për ndryshim dhe për një ardhmëri më të mirë të shoqërisë së përvuajtur shqiptare.E pastaj, nëse duhet të kërkohet mandati i deputetit, sëpari kërkojeni ate nga “lideri” i partisë i cili plot dy vite është deputet dhe nuk ka as edhe një fjalim të vetëm qoftë në seanca parlamentare, qoftë në komisione parlamentare. Pyeteni atëherë, për çfarë i duhet atij mandati i deputetit?Kërkojeni mandatin nga ai i cili brenda një viti të fundit, tre herë ndryshoi sekretarët e përgjithshëm dhe nënkryetarët e partisë ndërsa vet mbeti i pandryshueshëm. Pyeteni si e “harroi” fjalën – llogaridhënie?Kërkojeni mandatin nga ai që me “reformat” partiake arriti që, nga zgjedhjet parlamentare 2020 deri në zgjedhjet lokale 2021, ta përgjysmojë fuqinë elektorale të partisë dhe të mbetemi partia e vetme që nuk ka fituar asnjë komunë?Kërkojeni mandatin nga ai që nga partia arriti të largoj themeluesit e organeve lokale nga Kumanova, Likova, Buteli, Çairi, Studeniçani, Saraji, Zhelina, Bogovina, Tetova, Gostivari, Vrapçishti, Dibra e Struga?Kërkojeni mandatin nga ai që fal “suksesit” të tij si deputet dhe “lider”, në të gjitha sondazhet dhe anketat partia është e fundit.Dhe po, në momentin që “lideri” i partisë I PARI të dorëzojë mandatin e deputetit, unë bëhem i dyti, pavarësisht faktit që jam munduar gjithmonë t’i shërbej nevojave të votuesve tonë dhe të ngrej zërin kritik qoftë nga pozicioni i opozitës, qoftë nga ai i pozitës. /Alsat/

    Lajmi Paraprak

    Dumani Papers

    Lajme tjera

    Bashkohu

    Informohu në kohë