Sekretari i Përgjithshëm i Qeverisë, Muhamed Zekiri mbështet ministren e Mbrojtjes, Sllavjanka Petrovska. Sipas tij, asnjë grua nuk duhet të jetë shënjestër e gjuhës së urrejtjes.
“Qëndroj solidar pas Sllavjanka Petrovskës. Asnjë grua nuk duhet të jetë objektiv i gjuhës së urrejtjes me bazë gjinore. Në periudhën e kaluar përsëri shohim se çfarë po ndodh me një grua që ka një profesion publik dhe e bën punën e saj në mënyrë profesionale. Për sa kohë që publiku e sheh gruan vetëm në prizmin seksist, ne nuk do të shohim më shumë gra në pozita vendimarrëse dhe as nuk do të zhduket objektivizimi i gruas në të gjitha fushat e veprimit të saj”, shkruan Zekiri.
Në vijim janë disa fotografi të përmbledhura ku shihet se si ministrja e Mbrojtjes ofendohet në rrjetet sociale. /Nistori/
