Zgjedhjet në Tetovë, Mavrovë dhe Rostushë, si dhe Qendër Zhupë | Sot votojnë të sëmurët dhe të burgosurit

    Ka filluar votimi për të sëmurët dhe të burgosurit, për zgjedhjet për kryetarë të komunave Mavrovë dhe Rostushë dhe Qendër Zhupë dhe për anëtarë të Këshillit të Komunës së Tetovës.

    Komisioni Shtetëror i Zgjedhjeve (KShZ) bëri të ditur se 93 persona sot votojnë në shtëpitë e tyre, të cilët janë paraqitur  të sëmurë ose të pafuqishëm. Prej tyre 29 në Qendër Zhupë, 40 në Mavrovë dhe Rostushë dhe 24 në Tetovë.

    Sot votojnë 94 votues të cilët janë në vuajtje të dënimit me burg ose janë në paraburgim në ndonjë nga institucionet ndëshkuese-korrigjuese, edhe atë në INK Idrizovë  56 votues, në Burgun e Tetovës 23 votues, në INK Shtip dy votues, në Burgun e Strugës një votues dhe Burgun Shkup – Shuto Orizarë 12 votues.

    Vendvotimet në institucione ndëshkuese korrigjuese janë hapur në kohë dhe votimi rrjedh pa probleme.

    Votimi në këto tri komuna do të zhvillohet nesër në 172 vendvotime, të cilat duhet të hapen në orën 07:00 dhe të mbyllen në orën 19:00. 

    Lajmi Paraprak

    Pasaporta shqiptare kundrejt investimit, BE kundër: Nxisin krimin e organizuar dhe pastrimin e parave

    Lajmi i rradhës

    Takim krize | Çdo dëmtim i centralit atomik është “vetëvrasje”

    Lajme tjera

    Bashkohu

    Informohu në kohë