Asambleja Parlamentare (AP) e Këshillit të Evropës do të dërgojë një delegacion prej 14 vëzhguesish për të monitoruar zgjedhjet e ardhshme presidenciale më 24 prill.
Delegacioni i AP-së do të udhëhiqet nga deputeti zviceran Alfred Herr dhe do të monitorojë procesin për zgjedhjen e kreut të shtetit në Maqedoninë e Veriut së bashku me vëzhgues nga OSBE/ODIHR.
Vëzhguesit e Asamblesë Parlamentare të Këshillit të Evropës, sipas njoftimeve, do të takohen me kandidatët garues në zgjedhje, me presidentin dhe anëtarët e Komisionit Shtetëror Zgjedhor (KSHZ), si dhe me përfaqësues të shoqërisë civile dhe mediave.
Përveç delegacionit të AP-së, në Shkup vjen edhe një ekspert nga Komisioni i Venecias, i cili gjatë vizitës do të ofrojë mbështetje ligjore.
Ndryshe, zgjedhjet presidenciale do të mbahen më 24 prill (e mërkurë) ndërsa në garë janë shtatë kandidatë./Nistori/
