Në sferën e çështjeve ndërkombëtare, disa individë shfaqin shpërfillje të çuditshme ndaj mirëqenies së popullit të tyre, duke bërë kurban mirëqenien e zgjedhësve të tyre për përfitime personale ose interesa politike. Shqiprim Arifi, kryebashkiaku i Preshevës është një shembull i shkëlqyeshëm i një udhëheqjeje të tillë të pafuqishme. Veprimet e tij të fundit – ose mungesa e tyre – nxjerrin në pah bashkëpunimin e tij në fshirjen sistematike të popullsisë etnike shqiptare brenda bashkisë së tij që e bën Serbia.
Si një shqiptar etnik, pritet që Arifi të jetë një mbështetës i zëshëm i të drejtave dhe i mbrojtjes së shqiptarëve të tij. Megjithatë janë thellësisht shqetësuese heshtja dhe mosveprimi i tij përballë programit të rrezikshëm të Serbisë që është duke bërë llogaritjet e saj për të zvogëluar numrin dhe ndikimin e shqiptarëve etnikë në rajonin e Preshevës nëpërmjet pasivizimit të adresave të tyre, fshirjes së tyre dhe duke rrezikuar të drejtat e tyre njerëzore, civile dhe politike në Serbi.
********************************
Ndonëse Arifi mund të pretendojë se është një shërbëtor publik që punon për interesat e zgjedhësve të tij, veprimet – ose mungesa e tyre – flasin më shumë sesa fjalët. Duke e lejuar Serbinë të veprojë për të përmbushur synimet alarmante të zvogëlimit të numrit të shqiptarëve etnikë në rajonin e Preshevës, Arifi ka braktisur detyrën morale duke tradhtuar besimin e atyre që e sollën në pushtet.
Programi i Serbisë: Një kërcënim për stabilitetin dhe integritetin e rajonit
Dëshiroj t’ia rikujtoj me mirësi Arifit dhe lexuesve shqiptarë se Aleksandar Vuçiq ka shërbyer si ministër i Propagandës të Serbisë gjatë regjimit të Milosheviçit. Vuçiç ka arsyetuar në mënyrë agresive krimet kundër njerëzimit dhe gjenocidin e kryer gjatë luftërave në Bosnje dhe Hercegovinë dhe Kosovë. Ndonëse Vuçiqi mund të gëzojë mbështetje nga diplomatët perëndimorë, flamurin e të cilit Arifi po e përdor si mbulesë për të fshehur mbështetjen e tij ndaj programit të Vuçiqit, është e rëndësishme të theksojmë se shtatorin e kaluar administrata e Vuçiqit nënshkroi një marrëveshje politike në Nju-Jork me Moskën zyrtare. Më tej, ai asnjëherë nuk është distancuar nga fashizmi i frymëzuar nga Milosheviqi, narrativat politike ose krimet kundër njerëzimit dhe krime e luftës, veçanërisht ato të kryera kundër shqiptarëve etnikë, të cilat ai vetë i ka arsyetuar.
Është e domosdoshme që Arifi të japë llogari për shkeljen e detyrës së tij dhe të kujtohet për përgjegjësinë e tij për të mbrojtur të drejtat dhe mirëqenien e zgjedhësve të tij. Popullsia shqiptare etnike në Preshevë meriton një drejtues që do të kundërshtonte me vendosmëri taktikat e Serbisë dhe do të luftonte për të drejtat dhe liritë e tyre njerëzore, civile dhe politike.
Shqiprim Arifi ka një zgjedhje për të bërë: të vazhdojë të jetë bashkëpunëtorë në fshirjen sistematike të popullsisë shqiptare etnike nga Serbia ose të pranojë rolin e tij drejtues dhe të luftojë për çështjen e tyre. Njerëzit e Preshevës po vëzhgojnë dhe historia do të gjykojë veprimet e tij në përputhje me këtë. Koha për të vepruar është tani, sepse të drejtat dhe dinjiteti i shqiptarëve etnikë në Preshevë varen nga kjo.
Qëndrimet e autorëve jo me domosdoshmëri pajtojnë me politikën redaktuese të portalit.
P.S. Ky shkrim është marrë i fragmentalizuar. Artikullin e plotë e gjeni në The Frontliner.
