Clarence Seedorf, ylli legjendar i futbollit holandez, ka bërë të ditur në Isntagram se është konvertuar në fenë Islame, përcjell Nistori.
Ish-mesfushori i Milanit, Real Madridit dhe Ajaxit e ka bërë të ditur këtë sot në rrjetet sociale. Në një postim në Instagram ai shkroi: “Një falenderim i veçantë për të gjitha mesazhet e bukura në festën e bashkimit tim në familjen myslimane”.
Seedorf është lojtari i vetëm në historinë e UEFA Champions League që ka fituar Champions League me tre klube të ndryshme. Është një arritje sepse Lionel Messi dhe Cristiano Ronaldo nuk e kanë arritur ende.
Ai shtoi: “Jam shumë i lumtur dhe i kënaqur që bashkohem me të gjithë vëllezërit dhe motrat anembanë botës, veçanërisht [gruaja] ime e admirueshme Sophia [Makramati] e cila më ka mësuar më në thellësi kuptimin e Islamit. Unë nuk e ndryshova emrin tim dhe do të vazhdoj të mbaj emrin tim siç e kanë dhënë prindërit e mi, Clarence Seedorf! Unë po dërgoj gjithë dashurinë time për të gjithë në botë.”
Forca dhe ritmi
Lojtari punëtor dhe i gjithanshëm, i talentuar me forcë dhe ritëm, përfaqësoi kombëtaren 87 herë dhe luajti në tre Kampionatet Europiane të Futbollit UEFA (1996, 2000, 2004) dhe Kupën e Botës FIFA 1998, duke arritur në gjysmëfinale të këtij të fundit, tre turne.
Ai shihej shpesh si një figurë shpirtërore, inteligjente dhe i artikuluar në futboll me aftësinë e tij për të folur gjashtë gjuhë të ndryshme.
Gruaja e tij Sophia shkroi në Instagram: “Jam shumë e lumtur dhe krenare që jam pjesë e këtij momenti të veçantë dhe të bukur të dashurisë sime @clarenceseedorf duke iu bashkuar familjes muslimane. Mirë se erdhe dhe vazhdo të jesh i bekuar dhe të frymëzosh botën. Të dua.”
