E ardhmja e Kylian Mbappe mbetet e pasigurt kur kanë mbetur edhe dy muaj në hapjen e afatit kalimtar veror.
Francezi lirohet më 30 qershor dhe e ardhmja e tij dukej se ishte Real Madridi, por sot lajmet nga Franca thonë se ka një mundësi të madhe rinovimi të kontratës.
‘Le Parisien’ shkruan se pozicionet e klubit dhe lojtarit janë afruar dhe se ylli francez ka më shumë gjasa të qëndrojë sesa të largohet.
Sipas këtij mediumi, PSG i ka ofruar kontratë dy-vjeçare plus me opsione edhe për një vit, me pagë 50 milionë euro neto në sezon dhe një bonus rinovim prej 100 milionë eurosh.
Madje disa mediume dhe gazetarë francez sot shkruanin se kjo ofertë është pranuar nga Kylian Mbappe.
Fayza Lamary, nëna e Mbappes mohon lajmin për rinovim
Fayza Lamary, nëna e Kylian Mbappe, ka folur ekskluzivisht për MARCA-n ku ka thënë se djali i saj nuk ka nënshkruar rinovimin me PSG.
“Është krejtësisht e rreme që Kylian ka rinovuar”, ka thënë ajo duke mohuar kështu informacionin e Le Parisien dhe gazetarëve francez.
Il n’y a aucun accord de principe avec le Paris Saint-Germain (ou un quelconque autre club). Les discussions autour de l’avenir de Kylian se poursuivent dans un climat de grande sérénité pour lui permettre de faire le meilleur choix, dans le respect de toutes les parties https://t.co/VHMTOENct1
— lamari fayza (@FayzaLamari) May 5, 2022
“Nuk ka marrëveshje me PSG-në dhe asnjë klub tjetër. Diskutimet rreth të ardhmes së Kylian vazhdojnë me qetësi të madhe, për ta lejuar atë të bëjë zgjedhjen më të mirë, në respekt të të gjitha palëve”.
Official statement from Kylian Mbappé’s mother 🚨 #Mbappé
— Fabrizio Romano (@FabrizioRomano) May 5, 2022
“There’s NO agreement in principle with Paris Saint-Germain or any other club. Discussions around Kylian’s future continue in great serenity to allow him to make the best choice, in the respect of all the parties”. pic.twitter.com/Xh1J62Y23G
Nga ana e tij, te Real Madridi vazhdon të ekzistojë qetësia maksimale. Klubi është i bindur se është kryer i gjithë negocimi dhe lojtari është i tyre.
