Trajneri i Barcelonës, Çavi Hernandez ka marrë një lajm të keq, para sfidës së fundit në garat në grupe në Ligën e Kampionëve, kundër Bajern Munihut në “Alianz Arena”. Skuadra katalanase nuk do të rrezikojë dhe do të luajë pa Ansu Fatin.
Ekipi mjekësor konfirmoi se sulmuesi i ri nuk do të jetë gati për duelin në “Allianz Arena”. Mirëpo një gjë pozitive është rikthimi i Osman Dembeles. Futbollisti francez pritet të bëjë diferencën në ndeshjen ndaj një prej klubeve më të mira evropiane.
Barcelona duhet të fitojë nëse nuk dëshiron që të varet nga Benfika. Gjiganti portugez do të takohet me Dinamon e Kievit.
Kujtojmë se Bajerni është në vendin e parë me pesë fitore, ndërsa Barecelona dhe Benfika do të luftojnë për vendin e dytë, që sjell një vend në fazën eliminatore të Ligës së Kampionëve.
