Gjiganti spanjoll Real Madridi do të nënshkruajë me Mbappen para se të mbyllet afati kalimtar veror i transferimeve. Paris Saint-Germain do të mundohet që të nënshkruajë me brazilianin Richarlison nga Evertoni, për ta zëvendësuar Kylian Mbappe.
Real Madrid dëshiron me çdo kusht që të transferojë yllin francez para se të mbyllet afati kalimtar i transferimeve, dhe tanimë e kanë bërë edhe ofertën e dytë drejt PSG, ofertë kjo që pritet të jetë e fundit. PSG nuk dëshiron që ta lejojë Mbappen të largohet, por tani e kanë identifikuar sulmuesin e Evertonit Richarlison si kandidatin perfekt për ta zëvendësuar 22 vjeçarin francez.
