Joan Laporta dhe bordi i tij drejtues i Barcelonës morën një ndihmë të vërtetë nga Asambleja e delegatëve të cilët miratuan dy propozimet që iu paraqitën.
Ata autorizuan shitjen e 49% të aksioneve të BLM (Licensing & Merchandising Barça) dhe transferimin e 25 për qind të të drejtave televizive të La Ligas për një maksimum prej 25 vjetësh.
Bordi do të fillojë punën tani për të gjetur ofertat më të mira, të cilat do të pasurojnë klubin, sipas Laportas, për një minimum prej 600 milionë euro.
Një refuzim nga ana e delegatëve do të ishte një goditje shumë e rëndë për drejtuesit aktualë, të cilët kishin nevojë për një injeksion parash për të balancuar buxhetin për këtë sezon dhe për të qenë në gjendje të futeshin në tregun e transferimeve për të afruar lojtarë.
Laporta ua bëri shumë të qartë se në asnjë moment nuk i kishte shkuar ndërmend t’u kërkonte para nga delegatët. “Ne nuk do të kërkojmë para nga delegatët, pasi ju nuk e meritoni, nuk mbani përgjegjësi për keqmenaxhimin që është bërë”, ka thënë presidenti.
🖥 LIVE NOW | Extraordinary Assembly
— FC Barcelona (@FCBarcelona) June 16, 2022
From 6.30pm CEST, Barça member delegates to vote on whether to approve activation of the financial mechanisms for BLM and television rights
Laporta me 600 milionë euro të ardhurat, do të fillojë sezonin me bilance pozitive dhe me disa blerje interesante.
