Policia e Merseyside ka konfirmuar se ka kontaktuar me familjen e një tifozi 14-vjeçar autik, të cilit duket se i është thyer telefoni nga superylli i Manchester United, Cristiano Ronaldo.
Pamjet, të cilat filluan të qarkullojnë në mediat sociale pas humbjes 1-0 të Manchester United në Goodison Park të shtunën, shfaqën portugezin duke rrëzuar diçka nga dora e një djali teksa po shkonte drejt tunelit.
Manchester United thuhet se ka vendosur të mos e ndëshkojë lojtarin pas pretendimeve se ai theu telefonin e tifozit të Evertonit.
The Sun raportoi se klubi ka pranuar faljen e superyllit portugez në mediat sociale dhe nuk po hetojnë më incidentin.
Pavarësisht se klubi ka hequr dorë nga hetimet e veta, Policia e Merseyside po shqyrton incidentin dhe ka apeluar për më shumë informacion.
Kjo vjen pasi një nënë pretendoi se djali i saj autik ishte ‘sulmuar’ dhe i ishte thyer telefoni nga 37-vjeçari, përcjell Telegrafi.
Sarah Kelly pretendoi se udhëtimi i parë i djalit të saj, Jacob Harding për të parë Evertonin ishte ‘shkatërruar’ nga zënka e supozuar që ndodhi kur United u largua nga fusha pas ndeshjes.
Ronaldo që atëherë ka kërkuar falje për ‘shpërthimin’ e tij dhe e ka ftuar djalin të shikojë një ndeshje në Old Trafford, por zonjusha Kelly tha se përvoja e ka lënë Jacob të kujdesshëm për të shkuar sërish në një ndeshje futbolli.
Zonja Kelly, nga Upton i Merseyside deklaroi se djali i saj 14-vjeçar mbeti me një dorë ‘të mavijosur’ pasi telefoni iu rrëzua nga duart e Ronaldos, ndërsa djali u përpoq të filmonte plagën e këmbës së yllit të United.
“Ne ishim pranë tunelit ku ata kaluan duke ecur përpara – djali im ishte atje duke i filmuar të gjithë. Dhe më pas ai uli telefonin sepse Ronaldo e kishte tërhequr çorapin dhe i rridhte gjak nga këmba”, ka deklaruar ajo.
“Ai e uli telefonin për të parë se çfarë ishte – as që foli. Ronaldo më pas kaloi pranë, me një temperament të tmerrshëm dhe ia theu telefonin nga dora djalit tim dhe vazhdoi të ecte”.
Zonja Kelly bëri fotografi të asaj që ajo tha se ishte dora e mavijosur e Jacobit dhe ekrani i thyer i telefonit.
36-vjeçarja shtoi: “Ju mund të shihni nga mavijosje se ai kishte kontak me djalin tim. Unë po qaja, isha e tronditur, Jacob ishte në shok të plotë – ai është autik dhe ai gjithashtu ka dispraksi, kështu që ai nuk e pranoi vërtet atë që po ndodhte derisa u kthyem në shtëpi. Ai është vërtet i mërzitur dhe kjo e shtyn plotësisht atë të mos shkojë sërish në lojë”.
“Ronaldo është një lojtar i madh. Djali im ka qenë gjithmonë sikur ‘Ronaldo do të jetë atje’ – ai është një ikonë. Do ta kuptoja nëse Jakobi do ta incizonte atë në fytyrë, por ai nuk ishte afër fytyrës së tij, ishte poshtë në dysheme për të kontrolluar lëndimin e tij. Ai është një djalë autik dhe është sulmuar nga një futbollist, kështu e shoh unë si nënë”.
Policia e Merseyside konfirmoi se ata ishin në kontakt me të dy klubet.
Në një mesazh në Twitter, ata shkruan: “@MerseyPolice mund të konfirmojë se ata janë duke kryer një hetim pas një incidenti në ndeshjen #EVEMAN në Goodison ku përfshihej një lojtar teksa po dilte nga fusha dhe do të flasim me të gjitha palët e përfshira”.
Nuk ishte një ditë e mirë për Ronaldon apo Unitedin – të cilët kanë fituar vetëm një nga pesë ndeshjet e fundit në Ligën Premier.
