Bebet që ushqehen me shishe janë po aq të lidhura me nënën sa ato që ushqehen me gji

    Ekspertë të shumtë të shëndetit pas lindjes kanë mbrojtur prej kohësh ushqyerjen me gji si një alternativë më të mirë për të ushqyer një fëmijë, në krahasim me ushqyerjen me shishe, për të përmirësuar marrëdhënien prind – fëmijë.

    Por një studim i ri i kryer nga Universiteti Lincoln zbuloi se nënat që përdornin një shishe për të ushqyer fëmijët e tyre kishin një lidhje po aq të fortë sa nënat që ushqenin me gji.

    Pyetësorët i plotësuan 3.000 nëna dhe u pyetën për shenjat e ankthit dhe treguesit e një marrëdhënieje pozitive fëmijë – prind. Nuk u gjet asnjë tregues i lidhjes më të fortë te nënat që ushqejnë fëmijën me gji.

    “Literatura aktuale bazohet në idenë se ushqyerja me gji lehtëson lidhjen. Studimi ynë është në përputhje me disa studime empirike që nuk e tregojnë atë lidhje”, “tha studiuesja Abigail Davis.

    Pavarësisht se si ndikon në lidhjen, ushqyerja me gji është një mënyrë natyrale që nënat t’i furnizojnë foshnjat e tyre me të gjithë ushqimin që u nevojitet në muajt e parë të jetës. Gjithashtu mund të ndihmojë nënat të shërohen më shpejt nga lindja.

    Akademia Amerikane e Pediatrisë (AAP) dhe Organizata Botërore e Shëndetësisë (OBSH) rekomandojnë ushqyerjen ekskluzive me gji për gjashtë muajt e parë të jetës së një fëmije.

    Lajmi Paraprak

    DERIVATET E NAFTËS | Qytetarët: Çmimet janë shumë të larta, madje në Gjermani më lirë se këtu

    Lajmi i rradhës

    Ushqimet që shkaktojnë celulit

    Lajme tjera

    Bashkohu

    Informohu në kohë