Ardhka marsi!

    Fotografia: Rromir Imami

    Lulzim Haziri

    Ardhka marsi!
    Mugullojnë apo fshihen sythat nën degë
    Faji shkurtit sa ka qenë i butë apo i fortë
    Si një mësues i ri ardhur në gjysëm vjetor…

    Ardhka marsi!
    Me drunjtë e sobës nën strehë si dhëmbë të rënë 
    Me shkarpa e rrënjë gungaçe të ruajtura për mo’ Zot
    Me droje se sivjet nuk janë boll…

    Ardhka marsi!
    Me xixa xixa rrobash leshi në dhomë
    Nën dritën e vrimës së koftorit kur i zhveshin
    Dy trupa të kuqrremtë që kurmëzohen në lojë…

    Ardhka marsi!
    Dhe dita zgjat duart diellin ta kap për kindi
    Si mysafirin e dashur kur mallin s’e kemi shuar boll
    Se netët janë të gjata me fror në bark…

    Ardhka marsi!
    Me plaka të shpëtuara me krejt çka kanë
    Që ngrohin kurmin në prag me shami në krahë
    Kujtojnë shkurtin sa shumë u ka zgjat…

    Ardhka marsi…

    Lajmi Paraprak

    Alternativa – Tetovë: 100 ditët e Bilall Kasamit janë 100 mashtrime të reja për Tetovën

    Lajmi i rradhës

    A ka vullnet Kosova për transferimin e “Grupi i Kumanovës”?

    Lajme tjera

    Bashkohu

    Informohu në kohë