Sonte, me fillim nga ora 19:00, në skenën e Teatrit të Tetovës do të jepet shfaqja “Djali” e teatrit të Gjilanit e autorit të njohur francez Florian Zeller, në regji të Erson Zymberit, përcjell Nistori.
Shfaqja, e cila trajton një nga temat më të ndjeshme sociale – shëndetin mendor te të rinjtë dhe dinamikat e brishta familjare – vjen si një thirrje e fortë për reflektim mbi dhimbjen e heshtur që shpesh mbetet pas mureve të shtëpisë. Historia ndjek dilemën e prindërve të divorcuar që përpiqen të kuptojnë dhe ndihmojnë djalin e tyre adoleshent, Nikolas, i cili përjeton kriza të brendshme dhe të dukshme emocionale.
Ekipi artistik i shfaqjes:
- Skenografia: Bekim Korça
- Kostumet: Qëndresa Isufi
- Dizajni i dritave: Burim Baftiu
- Përkthimi: Shkëlzen Berisha
- Ilustrues: Artan Hajrullahu
- Producent: Ernest Zymberi
Në role: Kushtrim Qerimi, Ylzeir Meha, Safete Mustafa-Baftiu, Tringa Hasani dhe Florent Salihu.
Organizatorët theksojnë se shfaqja përmban temë të rëndë sociale dhe nuk është e përshtatshme për personat nën 16 vjeç. /Nistori/
