Poezi nga Azem Shkreli

    Shko se furishëm po fryn në mua erë mallkimi që s’të fal.
    Dhe, dije mirë, kurrë më një e një nuk bëjn’ një si thonte Hikmeti, ai farë poeti me këngë prej zjarri.
    Shko merri me vete lutjet tua, edhe hijen tënde hiqe zvarrë rrugëve si gjënë e ndyrë.
    Mos u kthe pas.

    Mos i harro sytë e përlotur në shtekballin tim.
    Mos thuaj lamtumirë.
    Asgjë mos thuaj.
    Merri me vete gjurmët nëpër të cilat erdhe një natë më e përvuajtur se frika dhe hyre në mua.

    Shko dhe bëhu fjalë e mbrame n’gojën time.
    Bëhu shkrepetirë e fikur n’ylberin e shkrimit tim.
    Bëhu çdo gjë pos Meje e Teje dhe asaj që e quajtëm Ne kur i zinim yjet si fluturat e ua ngjisnim nganjë emër mos ta harrojmë emrin tonë.

    Shko, merri me vete edhe rrugët, të mos kthehesh kurrë në vesën e lotit të rrejshëm, gërmadhat e kujtimit t’i rrëzosh.
    Shko, mbyllu në do kështjella të largëta harrimi, ku s’të zgjojnë më këmbonat e pendimit kur çmendet mallit vetmia ose kur buza buzën e han n’pikllim, që mëkatin s’e lan, që s’mundet ta shpojë Gurin e rëndë, gurin e ftohtë të ndarjes.
    Shko, më mirë dhe hesht. Mos u kthe mbas.
    Mos i harro sytë e përlotur n’shtekballin tim.

    Mos thuaj lamtumirë.
    E kur t’shkojsh larg, më larg se prej blerimi n’blerim
    E kur t’shkojsh larg, më larg se prej zemre në zemër
    Aq larg sa ta harrosh edhe emrin tënd dhe zërin tim, fshihu prej vetes
    Shkurto flokëgjatat, mate me to mendjeshkurtrën tënde dhe mos qaj.
    Shko se tmerrshëm po lodrojnë sonte n’mua rrëket e gjakut të ndezur. 

    Lajmi Paraprak

    Manchester United ka humbur 130 milionë euro sezonin e kaluar

    Lajme tjera

    Ti

    Xhabir TabakuMë pëlqen kur qesh si fëmijë,kur flet me zâ të naltëe kërcen si flutura gëzimitedhe kur jét…
    Më tepër

    PEHLIVANËT

    Mia Lecomte Kur të ecni si dykëmbshatduhet të rimendoni formulatpër t’u përputhur në rrugët e ndërsjelltadhe për t’u…
    Më tepër

    Bashkohu

    Informohu në kohë