Kryeministri i Kosovës, Albin Kurti ka uruar Fitër Bajramin, duke thënë se mbarësia e kësaj dite le të shumëfishojë lumturinë duke e ndarë me të tjerët se çdoherë mund të japim më shumë sesa që marrim, përcjell Nistori.
“Në mesin e begative të festës së Bajramit le t’i kujtojmë kufizimet e përjetuara gjatë Ramazanit, ashtu që reflektimet nga ky muaj të na shoqërojnë përgjatë gjithë vitit. Në këtë ditë feste, le të shumëfishojmë lumturinë duke e ndarë me të tjerët, duke uruar më të mirat për njëri-tjetrin dhe duke u kujdesur për shëndetin e njëri-tjetrit”, ka shkruar Kurti.
Kurti ka shtuar se kjo festë qoftë gëzim për të gjithë.
“Qofshin zemrat tuaja gjithmonë burim shprese! Qoftë kjo festë gëzim për të gjithë”, ka shkruar Kurti. /Nistori/
