Ana Andreeva prej sot do të jetë përgjegjëse për komunikimet dhe marrëdhëniet me publikun në Qeveri. Andreeva e merr këtë funksion nga koordinatori i deritanishëm nacional për komunikime strategjike në Qeverinë e Republikës së Maqedonisë së Veriut, Marjan Zabërçanec, i cili udhëhiqte me komunikimet qeveritare në periudhën prej muajit gusht të vitit 2017 deri më sot, njoftojnë nga Qeveria.
“Shërbimi për shtyp i Qeverisë shpreh falënderim dhe mirënjohje deri te Marjan Zabërçanec për gjithë mundin dhe angazhimin, si dhe për rezultatet në krijimin dhe zhvillimin e shërbimit aktual profesional për komunikim të Qeverisë. Zabërçanec në periudhën në vijim do të jetë i angazhuar në Qeveri për menaxhimin e proceseve dhe projekteve të përkushtuara në avancimin e bashkëpunimit rajonal të Maqedonisë së Veriut”, thuhet mes tjerash në njoftimin e Qeverisë.