Në Sllupçan të Kumanovës u përkujtua nisja e betejës së UÇK-së. 2 maji i mblodhi të gjithë funksionarët e BDI-së dhe të tjerë në qendrën memoriale te varrezat e dëshmorëve, shkruan gazeta Lajm, përcjell Nistori.
Kryetari i BDI-së, Ali Ahmeti tha para të pranishmëve se dy maji është shumë i rëndësishëm për historinë shqiptare në RMV.
“Kundërshtarët tanë që i kishim përballë nuk e dinin që nënat shqiptare i ka rrit bijtë dhe bijat e vet në djepa prej prushi. Që nuk dijnë të ndalen kur dikush ia shkel barin mbi varre. Ne shqiptarëve na përçmonin, na vrisnin e masakronin në çdo periudhë të historisë që po kalonim. Nëpër dekada kanë sakrifikuar burra e gra, por asnjëherë nuk u përkulën.”, deklaroi Ahmeti para banorëve të Sllupçanit.
Ndryshe, Ali Ahmeti bëri homazhe te varrezat e dëshmorëve në Sllupçan, por ndërkohë babai i dëshmorit Ali Mahmuti nuk e lejoi kryetarin e BDI-së, Ahmetin që të vendosë lule mbi varrin e djalit të tij në Sllupçan. /Nistori/
