Procesi i rritjes së shumicës, ishte një fiasko e vërtetë posaçërisht për LSDM-në e cila hyri në atë proces për ta ndihmuar BDI-në për të shpëtuar një karrierë politike, përcjell Nistori.
“Është për të ardhur keq, i tërë shteti të merret gjashtë muaj vetëm me rikuperimin e problemeve në BDI. Mendojë se nuk është mirë kjo për shtetin, mendoj se jo vetëm për BDI-në, por për asnjë parti tjetër politike qytetarët të merren tani me problemet që i ka Alternativa. Mendoj se është jo fer”, tha Afrim Gashi në emisionin “24analiza” në TV 24.
Ai tha se me siguri qëllimi i tërë këtij procesi nuk ka qenë që të rritet shumica me një deputet.
“Qëllimi ishte që të largohet ‘grupi i zjarrit’, të merret Aleanca në Qeveri që të amortizohet ‘grupi i zjarrit’ si problem i brendshëm i BDI-së”, u shpreh Afrim Gashi.
PDSH do të kandidojë me 13 kandidatë për kryetarë komune dhe 16 lista për këshilltarë komunash
Në zgjedhjet lokale të 17 tetorit Partia Demokratike Shqiptare (PDSH) do të kandidojë me 13 kandidatë për kryetar…