Gastronomët nga Ohri dhe Struga, nga ministri i ekonomisë Kreshnik Bekteshi, kërkuan subvencione nga shteti për të parandaluar largimin e mëtejshëm të personelit nëpër destinacionet turistike, duke pasur parasysh se më shumë se 5000 shtetas kanë punuar në bregdetin e Kroacisë. Janë propozuar disa masa se si mund të bëhet kjo.
“Kemi disa vite që punësojmë të rinj të moshës 16-17 vjeç, të cilët duan të punojnë, por duhet të fitojnë përvojë, dhe për të mos i lënë këta të rinj vitin e ardhshëm të shkojnë jashtë vendit, janë bërë disa sugjerime se si t’i mbajmë. U kërkua që të subvencionohen kontributet ndaj shtetit dhe t’i ktheheshin kontributet e pagave atij që i ka dhënë”, tha Kërste Bllazheski- kryetar i HOTAM.
Edhe gastronomët janë të pakënaqur me mënyrën e shpërndarjes së subvencioneve për turistët e huaj, të cilët kërkojnë që në vend që të shkojnë te operatorët turistikë, disa prej tyre shkojnë në adresën e hoteleve.
“Ne do t’i shfrytëzonim ato mjete për korrigjimin e pagave, përmirësimin e kushteve për pritjen e këtyre mysafirëve”, u shpreh Kërste Bllazheski – kryetar i HOTAM.
Bekteshi paralajmëroi miratimin e ligjit për mbështetjen financiare të investimeve, ku mund të përfshihet edhe sektori i hotelerisë, si dhe ndryshimet në rregulloren e shumëpritur për subvencionet, duke lejuar rritjen e numrit të turistëve, i cili tani është 40 për qind më i lartë se vitin e kaluar.
Një pjesë e madhe e objekteve në Ohër dhe Strugë janë të rezervuara për muajin shtator dhe tetor. Interesimi për të qëndruar në bregun e liqenit të Ohrit dhe Strugës është në nivel më të lartë se vitin e kaluar dhe një pjesë e mirë e objekteve janë rezervuar në muajt shtator dhe tetor. /Alsat/
