Kryetari i LSDM-së Dimitar Kovaçevski i hodhi poshtë të gjitha akuzat e kreut të VMRO-DPMNE-së, Hristijan Mockoski, se ka ndonjë lloj skenari për bojkotimin e rrethit të dytë të zgjedhjeve presidenciale dhe parlamentare më 8 maj.
“Kjo nuk është e saktë. Unë dje kisha një mesazh shumë të qartë edhe në tubimin në Saraj edhe në atë në Çuçer Sandevë dhe të njëjtën gjë do ta përsëris tani. I thërras të gjithë votuesit që të dalin në mënyrë masive në zgjedhjet më 8 maj dhe ta mbështesin kandidatin për president, Stevo Pendarovskin dhe koalicionin për të ardhmen europiane në zgjedhjet parlamentare”.
“Prandaj presim një përkrahje shumë të madhe në raundin e dytë, ne e morëm mesazhin në raundin e parë të zgjedhjeve presidenciale për të gjitha gabimet e bëra në 7 vitet e fundit”, tha Dimitqr Kovaçevski, kryetar i LSDM-së.
Ndryshe, dje Mickoski deklaroi se pushteti po përgatit bojkot të zgjedhjeve dhe oferta ndaj BDI-së për mbështetje të ndërsjellë në zgjedhjet e 8 majit.
