Lëvizja Besa ka reaguar ndaj deklaratës së koordinatorit të grupit parlamentar të BDI-së, Arbër Ademi, duke e quajtur të pa bazë, nxitëse dhe ka për qëllim të defokusojë opinionin nga aferat korruptive dhe pa aftësinë e qeverisë ku BDI bën pjesë, përcjell Nistori.
“Lëvizja Besa nuk është në koalicion me asnjë parti politike në Qytetin e Shkupit dhe nuk mban përgjegjësi për mos respektimin e gjuhës shqipe që sot po e vëren në shumë institucione që udhëhiqen nga BDI dhe LSDM. Arbër Ademi ka ngatërruar adresën, në vend t’i drejtohet Lëvizjes Besa le t’i adresojë shqetësimin e tij deri te drejtori i inspektoratit për përdorimin e gjuhëve të cilin e ka nga radhët e partisë së tij”, shkruhet në reagimin e Besës.
Nga Besa shtojnë poashtu se tensionet ndëretnike në vend gjithmonë janë nxitur dhe krijuar nga qeveritë ku BDI-ja ka qenë pjesë dhe atë vetëm për qëllime politike. /Nistori/