Lideri i VMRO-DPMNE-së, Hristijan Mickoski në “Click Plus” në TV21 tha se bashkë me kryetaren e qytetit të Shkupit, Danella Arsovska kanë trokitur në dyert e shkupjanëve për të kërkuar votën, ndërsa sot ajo e sulmon.
Lidhur me retorikën e ashpër ndaj tij nga kryetarja e qytetit të Shkupit, Danella Arsovska, Mickoski theksoi se ai personalisht nuk është i zemëruar me të.
Ai tha se kryetaren e qytetit të Shkupit, Danella Arsovskën, për herë të fundit e ka takuar në muajin maj.
“Kemi pasur koordinim të shpeshtë me disa nga banorët e qytetit për të diskutuar për projektet e ardhshme dhe me atë rast jemi takuar”, tha Mickoski.
Mickoski tha se ka ardhur koha që Bashkimi Demokratik për Integrim të kalojë në opozitë. Ai tha se kjo është e shëndetshme edhe për vetë BDI-në si parti.
“Nëse më pyesni mua për politikat e BDI-së, mendoj se janë pjekur kushtet dhe është koha që BDI të shkojë në opozitë. Mendoj se është e shëndetshme për një parti politike të kalojë një cikël në opozitë, në rikonstruktim të brendshëm, ndoshta edhe ribrendim”, tha Mickoski.
Mickoski: Jam i bindur se me opozitën shqiptare do të marrim mjaftueshëm deputetë, për qeveri stabile
Sipas liderit të VMRO-DPMNE-së duhet t’i jepet shansë opozitës shqiptare në zgjedhjet e ardhshme parlamentare.
“Unë kam treguar se cila është preferenca ime, vlerësoj se edhe e njerëzve që janë pjesë e kushtimisht thënë, opozitës shqiptare në Maqedoni, do të kenë mundësi dhe hapësirë të lëvizin, të shohim se çfarë dienish dhe kapacitetesh kanë”, shtoi Mickoski.
Përveç zhvillimeve të fundit me Qytetin e Shkupit dhe me Danella Arsovskën, Mickoski foli edhe për tema të tjera politike, në radhë të parë për refuzimin e iniciativës për referendumin kundë Marrëveshjes me Bullgarinë.
“Talat Xhaferi dhe qeveria kanë frikë nga një referendum. Jam i bindur se mbi 900 mijë qytetarë do të votojnë kundër Marrëveshjes me Bullgarinë. Dhe ky është rezultati i sondazheve të kryera më parë që testuan opinionin publik. Mirëpo, Xhaferi e vendosi veten mbi të gjithë gjyqtarët, mbi shtetin dhe mori një vendim të tillë”, tha Mickoski. /Nistori/
