Pas rekomandimit të Komisionit për Sëmundje Infektive, në mbledhjen e sotme të Qeverisë, janë shfuqizuar të gjitha masat kundër virusit Korona, me përjashtim të masës për mbajtje të obligueshme të maskave mbrojtëse në shtëpitë e shëndetit, barnatore, transport publik dhe qendrat e përkujdesit ndaj personave të moshuar dhe me nevoja të veçanta.
Qeveria rekomandon zbatimin e masave kryesore të preventivës personale kundër virusit Kovid-19.
Njëkohësisht, ashtu siç theksojnë nga Ministria e Shëndetësisë, Komisioni bën thirrje deri te qytetarët që t’i respektojnë rekomandimet për mbrojtje personale dhe higjienë, siç janë pastrimi i duarve, dezinfektimi dhe mbajtja e distancës.