Kandidati i Alenacës për Shqiptarët për kryetar të Komunës së Dibrës, Bekim Pocesta në një deklaratë për TV21 ka komentuar procesin e sotëm zgjedhorë në këtë komunë.
Pocesta akuzon BDI-në për përfshirje të strukturave të qeverisë në procesin zgjedhorë, ndërkaq thotë se do të bëjnë analizë të procesverbaleve nga vendvotimet.
“Pas dy fitoreve të pastra, edhe në raundin e parë edhe në rivotim, sigurisht që nuk e prisnim këtë zhvillim, duke pasur parasysh vërsuljen e gjithë Qeverisë me gjithë strukturat e veta, na len të dyshojmë se nga arritën ata t’i shtojnë kaq shumë votat e tyre”.
“Ngelet që të bëjmë analizën e të gjitha procesverbalet, ditën e nesërme të dalim me deklaratë oficiale”, tha Pocesta për TV21.
Ndërkohë nga ana tjetër, kundërkandidati i Pocestës, Hekuran Duka së bashku me zyrtarët e tjerë të BDI-së kanë shpallur fitore dhe kanë nisur të festojnë për siç thonë, fitoren në këtë komunë.
