Disa në uniforma, ndërsa të tjerët nëpunës policorë në rrugë. Kanë kërkesë të përbashkët, duan rrogë më të lartë.
“Polici asnjëherë më parë nuk ka qenë kaq i frikësuar siç është tani. Po e shihni tani. Nëpunësit policorë do të shihni se, të gjithë mbajnë uniforma të ndryshme, mbajnë pancirë të vjetër mbi 30-40 vjet, mbajnë helmetë të vjetër mbi 30-40 vjet”, tha Orce Kocevski, kryetar i Sindikatës së Policisë.
Kjo është protestë paralajmëruese. Për protestën e ardhshme presin që frika të shuhet.
“Kjo frikë do të shuhet dhe guximi i nëpunësit policor në vend që të jenë atje si sigurim, do të jenë këtu me ne”, tha më tej Kocevski.
“Konfederata e Sindikatave të Lira kërkon rritje graduale të rrogës. Në të kundërtën, paralajmërojnë se do të dalin në grevë të përgjithshme në qoftë se nuk plotësohen kërkesat e tyre për harmonizim të pagave në përputhje me rrogën minimale”.
Kishte edhe të tillë që erdhën vetëm për t’u fotografuar:
TV21: Cilat janë kërkesat tuaja?
-Nuk jemi për deklarata, vetëm për fotografim.
TV21: Cilat janë kërkesat tuaja, pse jeni këtu?
-Vetëm për t’u fotografuar.
“Me këtë protestë paralajmëruese sërish japim shans për dialog social, shpresojmë se nuk do të hasim në vesh të shurdhër. Zgjidhja është e thjeshtë. Qeveria duhet t’i rrisë poenët. Këtë mund ta bëjë për gjysmë ore dhe të gjithë të jemi të kënaqur”, deklaron Bllagoj Rallpovski, kryetar i KSL-së.
Ata thonë se për momentin vetëm 10% e punëtorëve do të kenë rritje të pagës minimale. Të mërkurën në Qeveri ishte shqyrtuar kjo çështje, por nuk ishte arritur asnjë marrëveshje përfundimtare. /tv21/