Qytetarët e RMV-së të përgatiten për shtrenjtimin e radhës së energjisë elektrike

    Nëse çmimi në bursa në janar do të jetë 150 euro për megavat orë, atëherë faturat e energjisë elektrike të qytetarëve me siguri do të dyfishohen. Profesori Anton Çaushevski nuk dëshiron të shkaktojë panik te qytetarët, por thotë se përveç çmimit në bursa, çmimi përfundimtar që do ta paguajnë amvisëritë do të varet edhe nga faktorë të tjerë, siç janë kostot e kompanive të energjisë, të cilat sipas tij tani do të jenë shumë të larta. Me importin e njoftuar të qymyrit për prodhimin e energjisë elektrike, profesori beson se efekti do të jetë minimal, dhe në të njëjtën kohë është proces i shtrenjtë dhe i komplikuar.

    “Çmimi do të shkonte dy herë më lartë, nuk është vetëm kostoja e importimit të energjisë elektrike. Ka shpenzime MEPSO, EVN-ja dhe rrjeti i shpërndarjes. Ka shumë faktorë para se të vijë ajo energji elektrike te konsumatorët përfundimtarë, amvisëritë. “- deklaroi Anton Çaushevski profesor në FEIT.

    Në skenën politike dje, u zhvillua një debat mbi prokurimin e shpallur të thëngjillit. Kryetari i VMRO-DPMNE-së Hristijan Mickoski në emision, në TV 21 theksoi se është më mirë energjia elektrike që Elektranat e Maqedonisë së Veriut i shet EVN HOME, dhe është e destinuar për qytetarët dhe kushton tridhjetë euro për megavat orë, që të shitet në bursë me çmime që tejkalojnë 200 euro për megavat orë, dhe më pas shteti ti subvencionojë qytetarët për të paguar faturat e energjisë elektrike. Nga EMV reaguan ndaj propozimit të udhëheqësit të opozitës. Nga atje thonë se propozimi i tij nuk ka logjikë ekonomike, dhe se do të shkaktojë vetëm rritje të çmimeve për qytetarët.

    Vizart EMV

    “Nëse SHA EMV shet energji elektrike në bursë për të gjeneruar më shumë të ardhura, atëherë EVN si furnizues i qytetarëve duhet të blejë të njëjtën energji elektrike nga bursa, me një çmim edhe më të lartë, dhe t’ua shesë atë qytetarëve me një çmim të lartë, ndërsa të ballafaqohet edhe me vështirësi për ta blerë atë, e cila gjithashtu do të jetë në dëm të qytetarëve “.

    Profesor Çausevski gjithashtu mendon se propozimi i Mickoskit nuk është i mirë, sepse në këtë mënyrë energjia elektrike do të jetë shumë më e shtrenjtë për amvisëritë. Komisioni Rregullator i Energjisë vendosi të mos e komentojë propozimin e Mickoskit. Për shkak të krizës energjetike, qeveria vendosi të bëjë import të qymyrit për të prodhuar energji elektrike. Për shkak të seriozitetit të situatës sërish do të kthehet blloku i tretë i “TEC Manastir” dhe “TC Oslomej”. /Alsat M/

    Lajmi Paraprak

    Ndryshe nga BE, SHBA mbështet Kosovën për aksionin në veri

    Lajmi i rradhës

    Vdesin dy persona gjatë pastrimit në minierën “Buçim” në Radovish

    Lajme tjera

    Bashkohu

    Informohu në kohë