Biznesmeni rus Sergei Samsonenko ka dëshmuar sot në Gjykatën Penale, në rastin “Parcelat në Vodno” në mbrojtje të biznesmenit të akuzuar Orce Kamçev, dhe për zonën e kontestuar në të cilën ende nuk ka rrugë hyrëse. Ai pretendon se është placi i tij që prokuroria pretendon se është blerë për ish-kryeministrin Nikolla Gruevski, përcjell Nistori.
Prokuroria vlerëson se parcela në Vodno është në pronësi të fshehtë të Gruevskit, duke ndryshuar disa pronarë. Sipas aktakuzës, në verën e vitit 2012, kumbari i Gruevskit, Risto Novaçevski, ka themeluar një kompani bijë në Shkup “Sirah Engineering” dhe paratë e Gruevskit, të marra përmes donacioneve për partinë, janë depozituar në llogari në disa raste. Me to, nga ana tjetër, janë paguar dy parcela, me një sipërfaqe totale prej 11 mijë metrash katrorë.
Samsonenko thotë se dëshiron të ndërtojë një shtëpi atje, pasi ta blejë atë përmes një kompanie në pronësi të gruas së tij.
““Life Care Center” është kompania ime, e cila është blerë në emër të gruas, me porosinë time, pra është e familjes sime”.
Ai nuk zotëron gjë tjetër veç një truall prej 10 mijë metrash katrorë, afërsisht.
“Kërkova një tokë të madhe për të ndërtuar një shtëpi për familjen time. Nuk munda ta gjeja sepse kërkoja mbi 5000 metra katrorë. Orce Kamçev ma sugjeroi këtë plac si një nga variantet. E shikova dhe e zgjodha. Kontrata ishte për ta paguar për tre vjet dhe unë e pagova para kohe. Kam paguar 110 milionë denarë. Nuk ka ende rrugë, ka bllokadë, unë po e vuaj dëmin nga bllokada. Nuk mund ta shes apo ta jap me qira”, tha Samsonenko, i cili shtoi se me ato para do të jetonte pa shqetësim 10 deri në 15 vjet
Ai po ashtu është ankuar se Komuna duhet të ndërtojë një rrugë hyrëse dhe kjo ende nuk është bërë. /Nistori/