Nxënësit e shkollave fillore përfunduan dje vitin shkollor 2022/2023, ndërsa gjimnazistët tashmë prej të premtes janë me pushime. Për nxënësit e shkollave fillore pusihmi u zgjat edhe disa ditë, sepse gjysmëvjetori i dytë filloi më vonë, pasi me vendim të qeverisë u zgjatën pushimet dimërore.
Ky vit shkollor përfundoi pa tekste për disa lëndë. Ministri i Arsimit dhe Shkencës, Jeton Shaqiri, problemin me tekstet si ai me gjuhën maqedonase për klasën e tretë, e lokalizon në interesin e pamjaftueshëm të autorëve për t’u regjistruar në thirrje, kështu që zgjidhjet do të kërkohen edhe përmes materialeve përgatitore. Ai siguron se nga 1 shtatori do të ketë tekste, por ende nuk mund të gjejë se kush do ta shkruajë tekstin e gjuhës maqedonase për klasën e pestë.
Pas shpërndarjes së teksteve me gabime, Ministria e Arsimit dhe Shkencës tashmë do të kërkojë një mënyrë për t’i minimizuar ato. Ndryshe nga viti i kaluar, nga arsimi mbërriti informacioni se këtë vit nxënësit do të marrin dëftesat në kohë. Regjistrimi i nxënësve në arsimin e mesëm do të bëhet në një periudhë me dy afate në muajin qershor. Do të bëhet përmes aplikacionit elektronik, përmes lidhjes në portalin e shërbimeve elektronike të Ministrisë së Arsimit dhe Shkencës me njoftim të veçantë për nxënësit e shkollave të mesme përmes llogarive të tyre përdoruese në Schools.mk.
Regjistrimi i parë i studentëve do të bëhet më datë 20 qershor deri në mesnatë dhe më 21 qershor deri në orën 15.00. Renditja e studentëve të regjistruar publikohet më 22 qershor në e-uslugi.mon.gov.mk dhe në ueb faqen e Ministrisë mon.gov.mk jo më vonë se ora 9:00. Dorëzimi i dokumentacionit të nevojshëm në shkolla bëhet më datë 22 qershor nga ora 12:00-19:00 dhe më 23 qershor nga ora 07:00-19:00, sipas orarit të përgatitur nga shkolla. Lista përfundimtare e renditjes për çdo shkollë me rezultatet e regjistrimit dhe vendet e disponueshme do të publikohet më 24 qershor më së voni deri në orën 12:00 në tabelën e shpalljeve të shkollës dhe në faqen e Ministrisë së Arsimit.
Testimi kualifikues do të organizohet në shkollat e mesme në datën 26 qershor, ndërsa listat përfundimtare të renditjes me rezultatet do të publikohen në tabelën e shpalljeve të shkollave dhe në faqen e Ministrisë së Arsimit.
